AQSh prezidentligiga nomzodlar Berni Sanders, Elizabet Uorren va boshqa siyosatchilar Amazon kompaniyasini soliqlarni aylanib o‘tish, xodimlarga munosib bo‘lmagan munosabatlar va boshqa salbiy holatlarda ayblashni boshladi. Biroq ushbu tanqidlarga qarama-qarshi ravishda siyosatchilarning o‘zlari ushbu servis orqali xaridlarni amalga oshirib, yuz minglab dollar sarflamoqda. Bu haqda saylov oldi kampaniyasi harajatlarini hisob-kitob qilgan Bloomberg nashri ma’lum qilgan.
Jurnalistlar bergan ma’lumotga ko‘ra, demokratlardan sakkiz nafar nomzod va amaldagi prezident Donald Tramp Amazon orqali xaridlarga 2019-yilning 9 oyi davomida 600 ming dollar mablag‘ sarflagan. Ko‘p holatlarda siyosatchilar shtablari servis orqali ofis uchun kerakli mahsulotlar sotib olgan. E’tiborli tomoni, saylovlarga 2019-yil noyabr oyida qo‘shilagan Bloomberg News egasi Maykl Bloomberg ushbu ro‘yxatdan joy olmagan.
Uorren dekabr boshida Amazon’ga nisbatan salbiy munosabatda ekanini bildirgan. Demokratlarning debatlarida u ikkala partiya nomzodlari ham barchani Amazon’ning 10 milliard dollar daromad uchun soliqlar to‘lamaganligi qattiq g‘azablantirganini ta’kidlagan.
Amazon haqida AQSh siyosatchilar aytgan gaplar va ularning servisda sarflagan pullari haqidaBerni Sanders, 233 ming dollar — “Men Amazon’da ishlagan, adolatsizlik va og‘ir mehnat sharoitlarida faoliyat yuritgan mard xodimlarni qo‘llab-quvvatlayman”;
Elizabet Uorren, 151 ming dollar — “Amazon o‘zinign marketpleysida reklama joylashtirgan kichik kompaniyalarning mahsulotlarni ko‘chirib o‘z versiyasini ishlab chiqqan holda ularni xonavayron qilmoqda”;
Kori Bruker, 58 ming dollar — “Men Halliburton va Amazon kabi soliq to‘lamaydigan kompaniyalar haqida gapirmoqchiman, ushbu vaziyatni o‘zgartirishimiz zarur”;
Donald Tramp, 37 ming dollar — “Amazon’ning bunday siyosat yuritishi AQSh pochta xizmatiga katta moddiy zarar yetkazdi, deb aytgan vaqtimda to‘g‘ri gapirgandim”;
Jo Bayden, 33 ming dollar — “Hech bir kompaniya milliardlab dollar daromad olib o‘t o‘chiruvchilar va o‘qituvchilardan ham past stavkada soliq to‘lamasligi kerak”.
2018-yilda Amazon, IBM, Netflix, Activision Blizzard va AQShning boshqa katta kompaniyalari daromad uchun nolga teng stavkada soliq to‘lagan. Garchi mamlakatda rasmiy soliq stavkasi 21 foizni tashkil qilsa ham, korporatsiyalar qonunlar orqali soliq to‘lamaslik yo‘lini topgan va imtiyozlar evaziga ulardan qutulib qolgan.
Izoh (0)