AQSh prezidentligiga nomzod va milliarder Maykl Blumberg prezidentlik kampaniyasida uning saylovoldi shtabi mahhbuslar mehnatidan foydalanishni bekor qilganini bildirdi. Meduzaning xabar berishicha, bu haqda u o‘zining Twitter’dagi sahifasida ma’lum qildi.
Unda aytilishicha, Blumberg vakillari mahbuslar mehnatidan foydalanilayotgani to‘g‘risida saylovoldi shtabiga jurnalist murojaat qilganidan so‘ng bilgan. Shundan so‘ng shtab bu amaliyotni qo‘llab-quvvatlamagani sababli undan darhol voz kechgan.
Mahbuslarning mehnatidan foydalanish to‘g‘risida birinchi bo‘lib xabar bergan The Intercept nashriga ko‘ra, Blumberg saylovoldi shtabi vositachi orqali call-markazlarini, shu jumladan, qamoqxonalar bazasida ishlaydigan call-markazlarini boshqaruvchi ProCom kompaniyasi bilan shartnoma imzoladi.
Nashrda ta’kidlanishicha, Blumberg nomidan Oklahomadagi ayollar qamoqxonasidagi mabuslar qo‘ng‘iroq qilgan.
Nyu-Yorkning sobiq meri, milliarder Maykl Blumberg noyabr oyida Demokratlar partiyasidan AQSh prezidentligiga nomzodligini e’lon qilgan. U prezidentlik poygasiga Donald Trampni yutish uchun emas, Amerikani jonlantirish uchun kirishganini bildirgan.
Ma’lumot uchun, shtatlarda demokratlardan nomzod ko‘rsatish 2020-yilning fevralidan boshlanadi. Nomzod uzil-kesil aniqlanadigan partiya syezdi esa iyul oyida bo‘lib o‘tadi.
Izoh (0)