АҚШ президентлигига номзодлар Берни Сандерс, Элизабет Уоррен ва бошқа сиёсатчилар Amazon компаниясини солиқларни айланиб ўтиш, ходимларга муносиб бўлмаган муносабатлар ва бошқа салбий ҳолатларда айблашни бошлади. Бироқ ушбу танқидларга қарама-қарши равишда сиёсатчиларнинг ўзлари ушбу сервис орқали харидларни амалга ошириб, юз минглаб доллар сарфламоқда. Бу ҳақда сайлов олди кампанияси ҳаражатларини ҳисоб-китоб қилган Bloomberg нашри маълум қилган.
Журналистлар берган маълумотга кўра, демократлардан саккиз нафар номзод ва амалдаги президент Дональд Трамп Amazon орқали харидларга 2019 йилнинг 9 ойи давомида 600 минг доллар маблағ сарфлаган. Кўп ҳолатларда сиёсатчилар штаблари сервис орқали офис учун керакли маҳсулотлар сотиб олган. Эътиборли томони, сайловларга 2019 йил ноябрь ойида қўшилаган Bloomberg News эгаси Майкл Блумберг ушбу рўйхатдан жой олмаган.
Уоррен декабрь бошида Amazon’га нисбатан салбий муносабатда эканини билдирган. Демократларнинг дебатларида у иккала партия номзодлари ҳам барчани Amazon’нинг 10 миллиард доллар даромад учун солиқлар тўламаганлиги қаттиқ ғазаблантирганини таъкидлаган.
Amazon ҳақида АҚШ сиёсатчилар айтган гаплар ва уларнинг сервисда сарфлаган пуллари ҳақидаБерни Сандерс, 233 минг доллар — «Мен Amazon’да ишлаган, адолатсизлик ва оғир меҳнат шароитларида фаолият юритган мард ходимларни қўллаб-қувватлайман»;
Элизабет Уоррен, 151 минг доллар — «Amazon ўзинигн маркетплейсида реклама жойлаштирган кичик компанияларнинг маҳсулотларни кўчириб ўз версиясини ишлаб чиққан ҳолда уларни хонавайрон қилмоқда»;
Кори Брукер, 58 минг доллар — «Мен Ҳаллибуртон ва Amazon каби солиқ тўламайдиган компаниялар ҳақида гапирмоқчиман, ушбу вазиятни ўзгартиришимиз зарур»;
Дональд Трамп, 37 минг доллар — «Amazon’нинг бундай сиёсат юритиши АҚШ почта хизматига катта моддий зарар етказди, деб айтган вақтимда тўғри гапиргандим»;
Жо Байден, 33 минг доллар — «Ҳеч бир компания миллиардлаб доллар даромад олиб ўт ўчирувчилар ва ўқитувчилардан ҳам паст ставкада солиқ тўламаслиги керак».
2018 йилда Amazon, IBM, Netflix, Activision Blizzard ва АҚШнинг бошқа катта компаниялари даромад учун нолга тенг ставкада солиқ тўлаган. Гарчи мамлакатда расмий солиқ ставкаси 21 фоизни ташкил қилса ҳам, корпорациялар қонунлар орқали солиқ тўламаслик йўлини топган ва имтиёзлар эвазига улардан қутулиб қолган.
Изоҳ (0)