Futbol bo‘yicha Angliya Premyer ligasining 18-turining markaziy uchrashuvida 22-dekabr, yakshanba kuni Londonning ikki klubi — “Tottenhem” hamda “Chelsi” o‘zaro kurash olib bordi.
Bellashuv davomida “aristokratlar” hujumchisi Villian (12, 45 — penalti) Paulo Gassaniga qo‘riqlayotgan darvozani ikki bor ishg‘ol qildi.
Qayd etish joiz, o‘yinning 62-daqiqasida “shporlar”ning janubiy koreyalik yarim himoyachisi Son Hyon Min raqib o‘yinchisi Antonio Ryudigerga qo‘pollik ishlatgani uchun hakam tomonidan qizil kartochka bilan jazolandi va maydondan chetlatildi.
Shu tariqa “Chelsi” mehmonda kechgan bahsda “Tottenhem” ustidan 2:0 hisobida ishonchli g‘alabani qo‘lga kiritdi.
Ushbu g‘alabadan so‘ng “Chelsi” ochkolari sonini 32 taga yetkazdi va jamoa musobaqa jadvalida 4-o‘rinni band qilib turibdi. “Tottenhem” esa 26 ochko bilan 7-pog‘onada bormoqda.
APL
18-tur bahsi
22-dekabr, yakshanba
“Tottenhem”—“Chelsi” 0:2
Gollar: 0:1 — 12 Villian, 0:2 — 45, penalti Villian“Tottenhem”: Gassaniga, Sanches, Alderveyreld, Orye, Vertongen (Rouz, 74), Dayer (Eriksen, 46), Alli, Sissoko, Lukas Moura (Ndombele, 74), Son Hyon Min, Keyn
“Chelsi”: Arrisabalaga, Aspilikueta (Jeyms, 80), Tomori, Zuma, Alonso, Maunt, Kovachich (Jorjinyo, 68), Villian, Kante, Ryudiger, Abraham (Batshuayi, 80)
Ogohlantirishlar: Zuma (31), Alli (43), Kovachich (43), Gassaniga (45), Sissoko (58), Alderveyreld (67), Ryudiger (78)
Chetlatish: Son Hyon Min (62)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)