Футбол бўйича Англия Премьер лигасининг 18-турининг марказий учрашувида 22 декабрь, якшанба куни Лондоннинг икки клуби — «Тоттенҳэм» ҳамда «Челси» ўзаро кураш олиб борди.
Беллашув давомида «аристократлар» ҳужумчиси Виллиан (12, 45 — пенальти) Пауло Гассанига қўриқлаётган дарвозани икки бор ишғол қилди.
Қайд этиш жоиз, ўйиннинг 62-дақиқасида «шпорлар»нинг жанубий кореялик ярим ҳимоячиси Сон Ҳён Мин рақиб ўйинчиси Антонио Рюдигерга қўполлик ишлатгани учун ҳакам томонидан қизил карточка билан жазоланди ва майдондан четлатилди.
Шу тариқа «Челси» меҳмонда кечган баҳсда «Тоттенҳэм» устидан 2:0 ҳисобида ишончли ғалабани қўлга киритди.
Ушбу ғалабадан сўнг «Челси» очколари сонини 32 тага етказди ва жамоа мусобақа жадвалида 4-ўринни банд қилиб турибди. «Тоттенҳэм» эса 26 очко билан 7-поғонада бормоқда.
АПЛ
18-тур баҳси
22 декабрь, якшанба
«Тоттенҳэм»—«Челси» 0:2
Голлар: 0:1 — 12 Виллиан, 0:2 — 45, пенальти Виллиан«Тоттенҳэм»: Гассанига, Санчес, Алдервейрелд, Орье, Вертонген (Роуз, 74), Дайер (Эриксен, 46), Алли, Сиссоко, Лукас Моура (Ндомбеле, 74), Сон Ҳён Мин, Кейн
«Челси»: Аррисабалага, Аспиликуэта (Жеймс, 80), Томори, Зума, Алонсо, Маунт, Ковачич (Жоржиньо, 68), Виллиан, Канте, Рюдигер, Абраҳам (Бацҳуайи, 80)
Огоҳлантиришлар: Зума (31), Алли (43), Ковачич (43), Гассанига (45), Сиссоко (58), Алдервейрелд (67), Рюдигер (78)
Четлатиш: Сон Ҳён Мин (62)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)