AQShning Boeing aviakompaniyasi ikki bor yuz bergan aviahalokatdan so‘ng parvozlari amalga oshirilmayotgan 737 MAX samolyotlari ishlab chiqarilishini to‘xtatishga qaror qildi.
Havo kemalarini yig‘ish 2020-yil yanvarida to‘xtatiladi. Bu jarayon qachon tiklanishi mumkinligiga aniqlik kiritilmagan.
Ishlab chiqarish to‘xtatilishiga 737 MAX laynerlarini uchishga qaytarish sinovlari 2020-yilga qoldirilgani sabab sifatida ko‘rsatilgan.
Ma’lumot uchun, Boeing aviakompaniyasining eng yangi layneri bo‘lgan 737 MAX sotuvi va parvozlari joriy yil martidan beri shu rusumga mansub ikki samolyot qulagani va 340 nafardan ortiq yo‘lovchi halok bo‘lganidan so‘ng butun dunyo bo‘ylab to‘xtatilgandi.
Izoh (0)