Ўзбекистонда 22 декабрь куни ўтказиладиган парламент сайловида иштирок этадиган сайловчиларнинг умумий сони эълон қилинди. Бу ҳақда Марказий сайлов комиссияси Халқаро матбуот марказида Марказий сайлов комиссияси раиси ўринбосари Маҳмуд Истамов билан бўлиб ўтган пресс-конференцияда маълум қилинди, деб хабар беради «Sof.uz».
Маҳмуд Истамов 22 декабрь куни бўладиган давлат ҳокимияти вакиллик органларига сайловларга тайёргарлик кўриш бўйича Марказий сайлов комиссияси ва қуйи сайлов комиссиялари томонидан амалга оширилган ишлар ҳақида маълумот берди.
20 сентябрь куни сайлов кампанияси эълон қилинган куни Сайловчиларнинг ягона электрон рўйхатида эълон қилинган сайловчилар сони 20 миллион 551 минг 914 нафарни ташкил этган эди. Участка сайлов комиссиялари ўз фаолиятини бошлаганидан сўнг, яъни 15 ноябрдан бошлаб сайлов участкаси бўйича Сайловчиларнинг ягона электрон рўйхатидан олинган дастлабки сайловчилар сонига уйма-уй юриш орқали аниқлик киритиб борилди. Натижада сайловчилар сони 22 мингга камроқлиги маълум бўлди.
Мавзуга доир:
Маълумот учун, 2016 йил 4 декабрдаги Ўзбекистон Президенти сайловида сайловчилар рўйхатига киритилган 20 461 805 нафар сайловчидан 17 951 667 нафари овоз беришда иштирок этганди.
Изоҳ (0)