Хитой Американинг Гонконгга ҳарбий кемалар ва самолётлари келиши тўғрисидаги сўровини кўриб чиқишни тўхтатади. Бу ҳақда ХХР ташқи ишлар вазирлиги расмий вакили Хуа Чуньиннинг сўзларига асосланиб «Интерфакс» хабар берди.
Пекин, шунингдек, АҚШнинг қатор ноҳукумат ташкилотлари, жумладан, Human Rights Watch, NDI ва Freedom House ташкилотларига нисбатан санкция киритади.
Бу чоралар Вашингтоннинг Гонконг бўйича қабул қилган қонунига жавоб бўлади.
«Бу қачон тугаши АҚШнинг кейинги қадамларига боғлиқ», — дейди дипломат.
Хуа Чуниннинг таъкидлашича, АҚШ Хитойнинг ички ишларига аралашишни тўхтатиши керак, Пекин ўз суверенитетини ҳимоя қилиш учун бошқа чоралар кўриши мумкин.
Аввалроқ Америка президенти Дональд Трамп Гонконг тўғрисидаги инсон ҳуқуқлари ва демократияни ҳимоя қилиш қонунини имзолаган эди.
Изоҳ (0)