Albaniyada yuz bergan zilzila oqibatida kamida to‘rt kishi halok bo‘ldi, taxminan 150 kishi jarohat oldi. Bu haqda Associated Press xabar berdi.
26-noyabrga o‘tar kechasi 6,4 magnitudali zilzila yuz bergan. Zilzila markazi Tirana va Durres shaharlari o‘rtasida joylashgan.
Bir kishi mamlakat poytaxti Tiranadan shimolda joylashgan Kurbin shahrida halok bo‘lgan, ikkinchisi esa Durres shahrida. Yana ikki kishining halok bo‘lgan joyi haqida xabar berilmagan.
Ma’lum bo‘lishicha, yer silkinishi bir qancha binoning vayron bo‘lishiga olib kelgan. Guvohlarning so‘zlariga ko‘ra, yerosti silkinishlari butun Albaniya qirg‘oqlari bo‘ylab sezilgan. Ayni paytda qidiruv-qutqaruv ishlari olib borilmoqda.
Izoh (0)