O‘zgidromet dam olish kunlarida va qishning boshlanishida qanday ob-havo kutilayotganini ma’lum qildi.
Qayd etilishicha, dam olish kunlari O‘zbekiston bo‘ylab bulutli ob-havo saqlanib turadi. Shimoliy hududlardan tashqari boshqa joylarda yog‘ingarchilik, ko‘proq qor yog‘ishi kutilmoqda. Harorat sezilarli o‘zgarmaydi.
Dushanba kunidan boshlab yog‘ingarchiliklar to‘xtaydi. Lekin haftaning oxirigacha sovuq havo saqlanib turadi. Kechasi va ertalabki soatlarda 3—8 daraja sovuq, kunduzi 0—5 daraja iliq atrofida bo‘ladi.
O‘zgidromet jahonning yetakchi ob-havo markazlari ma’lumotlariga tayanib berayotgan baholariga ko‘ra, dekabr o‘rtacha nam va harorat bo‘yicha me’yorlarga yaqin bo‘ladi. Oy davomida harorat kechasi 2—7 daraja iliqdan 0—5 daraja sovuqqacha, kunduzi 10—15 daraja iliqdan 0—5 daraja iliqqacha o‘zgarib turadi.
“Odatda O‘zbekistonda qishlar qisqa va kam qorli. Bu yerda qish faslining o‘ziga xos xususiyati — haroratining keskin o‘zgarib turishida. Bunda issiq havo to‘lqinlari sovuq havo bilan almashib turadi. Harorat sovuq bo‘lganda yoqqan qor havo ilishi bilan erib ketgani sababli barqaror qor qoplami hosil bo‘lmaydi”, — deb ma‘lum qilgan sinoptiklar.Shuningdek, oxirgi kuzatuvlar davomida eng sovuq davrli qish 2007—2008-yilga to‘g‘ri kelgani, o‘shanda sovuq dekabrning oxiridan fevralning o‘rtasigacha davom etgani eslatib o‘tilgan.
Mavzuga doir: Foto: Toshkentda — qor
Izoh (0)