Turkmanistondagi mamlakat janubi va shimolini bir-birga bog‘lab turuvchi “Ashxobod—Toshhovuz” trassasida tunda avtomobilda harakatlanish yana taqiqlab qo‘yildi. Ushbu taqiqga yo‘lda transport hodisalarining ko‘pligi sabab bo‘lgan. Bu haqda “Xronika Turkmenistana” xabar berdi.
Haydovchilarning so‘zlariga ko‘ra, YTHlar 500 kilometr uzunlikdagi yo‘lning ayrim qismlari avariya holatga kelgani tufayli sodir bo‘lmoqda.
Mavzuga doir:
“Trassa atrofida tuyalar ko‘p va ular ko‘pincha avtomobil yo‘liga yugurib chiqadi. Mashina hamda “cho‘l kemasi” to‘qnashuvi oqibatida nafaqat jonivor, balki odamlar ham halok bo‘lmoqda”, — deydi inspektor.
Mavzuga doir:
Ushbu trassada tez-tez yurib turadigan haydovchilar tezda Toshhovuzga yetib olish uchun tunda yo‘lga chiqqanda postda navbatchilikda turganlarga 50 manat pora berib manzilga yetib olmoqda.
“Hamma joyda bo‘lgani kabi bunday taqiqlar ularni shunday qing‘ir yo‘l bilan aylanib o‘tish hamda kimlarnidir boy qilish maqsadida amalga kiritiladi”, — deydi haydovchilardan biri.
Izoh (0)