O‘zbekiston Milliy gavrdiyasi Qoraqalpog‘iston Respublikasida “Temiryo‘l transportida garovga olinganlarni ozod qilish bo‘yicha bo‘linmalarning birgalikdagi harakati” mavzusida maxsus taktik-o‘quv mashg‘ulotlar o‘tkazdi. Bu haqda Milliy gvardiya matbuot xizmati xabar berdi.
Mashg‘ulotlarda Qoraqalpog‘iston Respublikasi Mudofaa, Ichki ishlar, Favqulodda vaziyatlar vazirliklari, DXX hamda hamkor tashkilotlarning harbiy xizmatchi ishtirok etdi. Harbiy xizmatchilar Qo‘ng‘irot mintaqaviy temir yo‘l uzelida garovga olinganlarni ozod qilish bo‘yicha hamkorlikdagi maxsus vazifalarni bajarishda professional tayyorgarlikning yuqori darajasini namoyish qila oldi.
O‘quv mashg‘ulotlar davomida jangovar bo‘linmalar ommaviy tartibsizliklarning oldini olish va garovga olingan fuqarolarni ozod qilish, qurollangan jinoyatchilarni qo‘lga olish hamda portlash xavfi bo‘lgan jihozlarni zararsizlantirishga qaratilgan harakatlarni mohirona amalga oshirish bilan birga favqulodda holatlar yuz berganda olib boriladigan hamkorlikdagi tezkor harakatlarining nechog‘lik tartibli ekanligini sinovdan o‘tkazdi.
Mavzuga doir: Milliy gvardiya terrorchilik harakatlariga qarshi “Jayron” o‘quv mashg‘ulotlarini o‘tkazdi
Izoh (0)