Milliy gvardiya terrorchilik harakatlariga qarshi “Jayron” o‘quv mashg‘ulotlarini o‘tkazdi

Toshkent viloyatining Qibray tumanida joylashgan poligonda Yevropa ittifoqining kimyoviy, biologik, radiaktiv, yadroviy markazi tashabbusi hamda tashkilotning ilg‘or tajribasiga asoslangan holda O‘zbekiston Milliy gvardiyasi rahbarligida terrorizmga qarshi kurash bo‘yicha “Jayron” dala o‘quv mashg‘ulotlari o‘tkazildi. Bu haqda “Daryo”ga Milliy gvardiya matbuot xizmati xabar berdi.

Mashg‘ulot shartlariga ko‘ra, ommaviy qirg‘in qurollariga ega shartli terrorchilarni qo‘lga olishda hamkorlikdagi harakatlar amalga oshirilgan mazkur tadbirda huquqni muhofaza qiluvchi idoralarining harbiy xizmatchi va xodimlari, Sog‘liqni saqlash vazirligi mutaxassislari hamda Sanoat xavfsizligi davlat qo‘mitasi xodimlari ishtirok etgan.