16-noyabr kuni Toshhovuz viloyatining fuqarolari Turkmanistondan O‘zbekistonga o‘tadigan Shovot bojxona postida turkmanistonlik politsiyachilar hamda bojxona xodimlari o‘rtasida janjal kelib chiqqan. Nizoni bartaraf qilish ishlarini Turkmaniston xavfsizlik vazirligi xodimlarining chekiga tushgan, deb yozmoqda “Xronika Turkmenistana”.
Turkmaniston chegara hududida O‘zbekistonga o‘tish uchun yuzlab fuqarolar navbatda turadi. Navbatdan oldin qo‘shni davlat hududiga o‘tib olmoqchi bo‘lgan odamlar esa o‘zlari taniydigan politsiyachilarga pora berib navbatni aylanib o‘tishga urinadi.
Shunday holatlarning birida avvaliga navbatda turgan olomon o‘rtasida nizo kelib chiqqan, keyinchalik politsiyachilar va bojxona xodimlari ham mushtlasha boshlagan. 68 nafar politsiyachi bojxona xodimlarining nihoyatda sekin ishlaganligi uchun tanqid qilgan, ular esa bunga javoban mirshablar jamoat tartibini saqlashi kerakligini bildirgan.Oqibatda o‘rtada janjal kelib chiqqan. Komandirlar nizoni hal eta olmagach, milliy xavfsizlik vazirligi xodimi o‘z hamkasblarini yordamga chaqirgan. Ular yetib kelganidan keyin janjalga barham berilgan.
Mavzuga doir:
Shovot posti har doim gavjum bo‘lgan. Fuqarolar O‘zbekistondagi qarindoshlarini ko‘rishga, turli mahsulotlar sotish va sotib olib kichik biznes bilan shug‘ullanish uchun chegaradan o‘tadi.
Sentabr, oktabr oylarida Toshhovuz viloyati fuqarolari O‘zbekistonga paxta terish uchun o‘tgan. “Xronika Turkmenistana” nashrining qayd etishicha, paxtakorlarga bir kilogramm paxta uchun uch manatdan pul to‘langan. Nashr O‘zbekistonning ushbu hududida terimchilarga yaxshi to‘lanishi, shu sababli ham turkmanlarning bu yerga o‘tganligi haqida yozgan.
Izoh (0)