O‘zbekistonga 3—5-noyabrda G‘arbiy Qozog‘iston orqali Ural hududlari (Yekaterinburg) ustida shakllangan sovuq va nam havo oqimi kirib keladi, deb xabar bermoqda O‘zgidromet.
3-noyabrda Qoraqalpog‘iston va Xorazm viloyatida ayrim joylarga yomg‘ir yog‘adi. 4-noyabrda respublika bo‘yicha yomg‘ir, ayrim joylarda kuchli yomg‘ir yog‘adi.
Shamolning tezligi kuchayib, sekundiga 18—23 metrgacha, shiddat bilan esganda sekundiga 25—28 metrgacha yetishi kutilmoqda.
4—5-noyabrda respublika bo‘yicha havo harorati kechasi 0—5 daraja iliqqacha tushib ketadi, ayrim joylarda 1—2 daraja sovuq bilan ayoz kuzatilishi mumkin, kunduzi harorati 8—13 darajagacha iliq, mamlakatimiz shimolida harorat kechasi 3 daraja sovuqdan 2 daraja, kunduzi 3—8 darajagacha iliydi.
Bundan avval O‘zbekistonda noyabr oyi sovuq va nam harorat bilan boshlanishi xabar berilgan edi.
Izoh (0)