Fransiya janubidagi Bayonna shahrida 84 yashar qariya masjidga kelganlarga qarata o‘q uzdi. Bu haqda Meduza xabar bermoqda.
U avtomobilida masjid yaqiniga kelib, bino tomonga benzin to‘la kanistrni uloqtirgan va kamida 4 marotaba o‘q uzgan. Buning oqibatida ikki kishi og‘ir yaralangan.
Qariya hodisa joyidan yashiringan, biroq oradan bir necha soat o‘tib politsiya tomonidan uyida, Bayonnadan taxminan 100 kilometr uzoqda qo‘lga olingan.
AFP manbalariga ko‘ra, masjidga hujum uyushtirgan erkak 2015-yilda mahalliy saylovlarda “Milliy front” partiyasidan nomzodini qo‘ygan.
Izoh (0)