Франция жанубидаги Байонна шаҳрида 84 яшар қария масжидга келганларга қарата ўқ узди. Бу ҳақда Meduza хабар бермоқда.
У автомобилида масжид яқинига келиб, бино томонга бензин тўла канистрни улоқтирган ва камида 4 маротаба ўқ узган. Бунинг оқибатида икки киши оғир яраланган.
Қария ҳодиса жойидан яширинган, бироқ орадан бир неча соат ўтиб полиция томонидан уйида, Байоннадан тахминан 100 километр узоқда қўлга олинган.
AFP манбаларига кўра, масжидга ҳужум уюштирган эркак 2015 йилда маҳаллий сайловларда «Миллий фронт» партиясидан номзодини қўйган.
Изоҳ (0)