Yaponiyaning Okinava orolida 3 nafar AQSh dengiz piyodasi politsiyachilarga hujum qilgani uchun qo‘lga olindi. Bu haqda “TASS” xabar bermoqda.
Hodisa 27-oktabr, yakshanba kuni Onna kurort posyolkasi yo‘lida sodir bo‘lgan. Dengiz piyodalari patrul mashinasiga bir necha bor zarba bergani va boshqa politsiya avtomobili oldi oynasini sindirgani aytilmoqda.
Tergov idoralariga ko‘ra, hibsga olinganlar mast holatda bo‘lgan.
Ma’lumot uchun, Okinava orolida AQShning Yaponiyadagi asosiy harbiy obyektlari joylashgan. Hozirda ularning bir qismini Tinch okeanidagi Qo‘shma Shtatlarga qarashli Guam oroliga ko‘chirishga tayyorgarlik ko‘rilmoqda.
Izoh (0)