O‘zbekistonlik Umid Isaboyev: Zelenskiyni uchratib qolsam, nega menga bunchalik o‘xshashi haqida so‘ragan bo‘lardim

Rossiyaning “NTV” telekanali Ukraina prezidenti Vladimir Zelenskiyning o‘zbekistonlik qiyofadoshi Umid Isaboyevning “Sentralnoye televideniye” ko‘rsatuviga taklif qildi. Bu haqda “RIA Novosti” xabar bermoqda.

Ko‘rsatuv davomida Umiddan Zelenskiy bilan uchrashish imkoniyati tug‘ilganda undan nimani so‘ragan bo‘lishi mumkinligi haqida savol berildi.

“Siz nega bunchalik menga o‘xshaysiz deb so‘ragan bo‘lardim”, — dedi Isaboyev.

Moskvadagi avtoustaxonalardan birida bo‘yoqchi bo‘lib ishlaydigan Umidning aytishicha, ko‘cha-ko‘yda uni taniy boshlashgan va ko‘pincha birga suratga tushishni iltimos qilishadi. Zelenskiyga o‘xshashi haqida esa u Ukraina prezidenti etib saylanganidan so‘ng bilgan.