Noqulay ob-havo sharoiti sabab Angliyada turli divizionlardagi oltita futbol o‘yini qoldirildi. Bu haqda Daily Mail xabar berdi.
Kuchli yomg‘irlar tufayli maydonlar maysalari o‘yin uchun yaroqsiz holatga kelgan. Shu boisdan Chempionshipdagi “Nottinghem Forest” — “Reding”, Liga 1 dagi “Tranmers Rovers” — “Donkaster Rovers”, “Linkoln Siti” — “Bolton” bellashuvlari qoldirilgan.
Bundan tashqari nufuzi jihatidan Angliyada to‘rtinchi o‘rinda turuvchi ligada ham uchta o‘yin qoldirilgan.
Qayd etish joiz, Premyer Liga 10-turidan o‘rin olgan “Sauthempton” — “Lester” bellashuvi ham kuchli yomg‘ir ostida o‘tkazilib, unda mehmonlar 9:0 hisobida g‘alaba qozongadi.
Izoh (0)