Futbol bo‘yicha Angliya Premyer Ligasi 10-turidan o‘rin olgan ilk bahsda “Sauthempton” o‘z maydonida “Lester” bilan bellashdi.
Brendan Rojers shogirdlari safarda o‘ynashiga qaramay “avliyolar” darvozasini naq to‘qqiz marta ishg‘ol qildi. “Tulkilar” safida Jeymi Vardi hamda Ayoze Peres het-trik qayd etgan bo‘lsa, Ben Chiluell, Yuri Tilemans hamda Jeyms Meddison bittadan gol urishga erishdi. Qayd etish joiz, 12-daqiqadan boshlab “Sauthempton” bir kishi kam bo‘lib o‘ynadi. Boisi jamoa sardori Rayan Bertran hakam tomonidan qizil kartochka bilan jazolanib, maydondan chetlatildi.
Natijada “Lester” APL tarixida safardagi eng yirik g‘alabaga erishib, yangi rekord o‘rnatdi.
Ushbu g‘alabadan so‘ng Rojers jamoasi 20 ochko bilan musobaqa jadvalida 2-o‘ringa ko‘tarilib oldi.
APL10-tur bahsi25-oktabr, juma
“Sauthempton” — “Lester” 0:9
Gollar: 0:1 – 10 Chiluell, 0:2 – 17 Tilemans, 0:3 – 19 Peres, 0:4 – 39 Peres, 0:5 – 45 Vardi, 0:6 – 57 Peres, 0:7 – 58 Vardi, 0:8 – 85 Meddison, 0:9 – 90, penalti Vardi.“Sauthempton” – Gann, Bednarek, Yosida, Vestergor (Danzo, 46), Valeri (Armstrong, 70), Uord-Prouz, Romeu, Hyoyberg, Bertran, Ingz (Stivens, 46), Redmond.
“Lester” – Shmeyxel, Rikardu Pereyra, Evans, Seyundjyu, Chiluell, Ndidi, Peres (Grey, 74), Tilemans, Meddison, Barns (Olbrayton, 72), Vardi.
Chetlatish: Bertran (12).
Izoh (0)