Chexiyada Rossiya josuslik tarmog‘i fosh etildi. Bu haqda mamlakat xavfsizlik va axborot xizmati (BIS) rahbari Mixail Koudelka ma’lum qildi, deya xabar beradi “Interfaks”.
“Bu tarmoq aniqlandi va butkul yo‘q qilindi. U Rossiya razvedka xizmatlari bilan bog‘liq bo‘lgan, ushbu mamlakat hamda Rossiya elchixonasi moliyalashtiradigan odamlar tomonidan tuzilgan”, — deydi BIS rahbari.
Koudelkaga ko‘ra, tarmoq a’zolari internet orqali Chexiya va boshqa mamlakatlardagi nishonlarga hujum qilishni rejalashtirgan. Mazkur tarmoq Rossiya tomonidan boshqa Yevropa davlatlarida yaratilgan yirik strukturaning bir qismi hisoblanadi. Biroq BIS rahbari ushbu davlatlar nomini oshkor qilmadi.
Izoh (0)