Saudiya Arabistoni qirolligining tashqi ishlar davlat vaziri Odil al-Jubayr 14-sentabrda Saudi Aramco neft zavodlariga uyushtirilgan dronlar hujumiga Eronning aloqador ekanligini ma’lum qildi.

Odil al-Jubayr London Xalqaro munosabatlar qirollik institutida qilgan ma’ruzasida yana bir bor Eronni ushbu hujumlarni uyushtirganligini qayd etdi.

Vazir Saudiyadagi katta neft obyektlarini vayron qilgan hujum raketalari eronlik mutaxassislar tomonidan ishlab chiqarilganligi aniqlanganini bildirdi.

Shuningdek, uning fikricha Eron boshqa davlatlar suvernitetiga hurmat bilan munosabatda bo‘lmayapti.

O‘z navbatida Eron rasmiylari Saudiyada ishlab chiqariladigan neft hajmining ikki baravarga qisqarib ketishiga aloqador bo‘lgan dronlar hujumiga aloqador ekanligini inkor etgan. Tehron dronlar hujumini yamanlik xusiylar amalga oshirgani va ushbu harakat uchun mas’uliyatni o‘z zimmasiga olib Saudiyadan to‘rt yil avval boshlangan urush uchun qasos olishga uringaliklarini bildirganini ma’lum qilgan.

Saudiya Arabistoni tashqi ishlari vaziri mamlakatning Eron bilan urush olib borish niyati yo‘q ekanligiga ham urg‘u bergan.

Donald Tramp AQSh qo‘shinining Yaqin Sharqni tark etishi haqidagi bayonotiga qaramay, Amerika harbiylari qirollik xavfsizligini ta’minlash va neft zavodlarini himoya qilish bahonasida Saudiya Arabistoni hududiga kiritilgan.

Avval Eron tashqi ishlar vaziri Muhammad Javod Zarifning Saudiya Arabistoni bilan nizolarni hal etish maqsadida Ar-Riyodga borishi xabar qilingandi.