AQSh vitse prezidenti Mayk Pens kurdlar Suriya chegara hududini tark etganini ma’lum qildi

AQSh vitse-prezidenti Mayk Pens kurd kuchlari Suriyadagi xavfsizlik hududidan o‘z qo‘shinlarini olib chiqib ketganligini ma’lum qildi, deb yozmoqda “Interfaks”.

“Suriyadagi kurdlar harbiy kuchlari qo‘mondoni qo‘shinning Turkiya harbiylari nazoratidagi xavfsizlik hududidan chiqib ketganligini bildirdi. Men qaytib kelayotgan vaqtimda AQSh rasmiylari ikki tomon bilan o‘t ochishni butunlay to‘xtatish yuzasidan muzokaralarni davom ettirgan”, — deya ta’kidlagan Pens Vashingtondagi Heritage Foundation tadbiridagi nutqida.

“Prezident Donald Trampning kuchli rahbarlik salohiyati natijasida urushni butunlay to‘xtatilishiga ishonaman”, — deydi Pens.

Vitse-prezident kurd jangarilariga Amerika bilan ittifoqda IShID terrorchilariga qarshi kurashgani uchun minnatdorlik bildirgan.

“Harbiylarimiz va ittifoqdoshlarimiz (kurdlar) IShIDga qarshi kurashda o‘z maqsadiga erishganidan keyin prezident Tramp Amerika xalqiga bergan va’dasida turadi. AQSh qo‘shinlari mamlakatga qaytariladi”, — degan vitse-prezident.

Anqara 9-oktabrda Suriya shimoli-sharqida “Tinchlik bulog‘i” harbiy operatsiyasini boshlagan. Harbiy harakatlardan ko‘zlangan maqsad “Suriya demokratik kuchlari”, Kurdiston ishchi partiyasi kurd jangarilari hamda IShID terrorchilarini chegara hududidan quvib chiqarish va u yerda Turkiyadagi qochoqlar uchun “xavfsiz zona” tashkil qilishdan iborat edi.17-oktabrda Turkiya va AQSh rasmiylari Anqarada Suriyadagi “Tinchlik bulog‘i” operatsiyasini kurdlar chegara hududidan chiqib ketishi uchun 120 soatga to‘xatishni kelishib olgandi. Bunda kurdlarning hududni tark etishi bo‘yicha mas’uliyatni Vashington zimmasiga yuklatilgandi.22-oktabr kuni Rossiya prezidenti Vladimir Putin hamda Turkiya davlat rahbari Rajab Toyyib Erdo‘g‘on Sochida Suriyadagi vaziyatni muhokama qilgan va qochoqlar uchun “xavfsiz zona” tashkil qilishda qo‘shma patrul tadbirlarini amalga oshirishni kelishib olgan va bu haqda memorandum imzolagan.IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.