Avstraliyaning Qantas aviakompaniyasiga tegishli Boeing 787-9 samolyoti havoda qo‘nishsiz 19 soat 16 daqiqa parvozda bo‘lib, yangi rekord o‘rnatdi. Bu haqda 20-oktabr, yakshanba kuni aviakompaniya saytida xabar berilgan.
Nyu-Yorkdan Sidneyga ilk to‘g‘ridan to‘g‘ri aviareysni amalga oshirgan havo kemasi Kingsford Smith aeroportida muvaffaqiyatli qo‘ndi. Uning bortida 49 nafar yo‘lovchi bo‘lgan.
Sinov tariqasidagi parvozni amalga oshirishdan ko‘zda tutilgan maqsad ko‘p soatli uchishning yo‘lovchi va ekipaj a’zolari salomatligiga ta’siri haqida ma’lumot yig‘ishdan iborat edi.
Mazkur reys Singapore Airlines aviakompaniyasiga tegishli rekordni yangiladi: oldinroq mazkur aviakompaniya samolyoti bajargan qo‘nishsiz reys 18 soat va 50 daqiqaga cho‘zilgandi.
Izoh (0)