Hindistonning Kashmir viloyatida Tangdharda sodir bo‘lgan otishmada ikki nafar hind askari, olti nafar Pokiston va bir nafar Hindiston tinch aholi vakili halok bo‘lgan. Bu haqda “TASS” xabar tarqatdi.
Avval Pokiston tomonidan boshlangan Kashmirdagi otishmada bir kishi halok bo‘lgani va uch nafar odamning jarohatlangani ma’lum qilingandi.
Viloyatda bu kabi otishmalar sodir bo‘lishining ehtimoli yuqoriligicha qolmoqda. Iyul oyida bunday nizolarning 296 tasi, avgustda 307 ta va sentabrda 292 ta holatlari kuzatilgan. Shuningdek, kuz boshidan bunday nizolarda minomyot hamda artilleriya qurollaridan foydalanilish boshlangan. 2019-yil boshidan buyon kuzatilgan bu kabi otishmalarda jami 21 kishi qurbon bo‘lgan.
5-avgustda Nyu-Deli Jammu va Kashmir shtatlarini tugatib, ular o‘rnida huquqlari shtatga nisbatan kamroq ikkita Jammu va Kashmir viloyati hamda Ladox tashkil qilinishini e’lon qildi. Hindiston parlamenti shu maqsadda Konstitutsiyadagi “Shtatga alohida maqom berish haqidagi” 370-moddani bekor qildi. Pokiston bu harakatlarni keskin qoralagan va buni qo‘shnilarning ichki siyosati deya baholab jiddiy qabul qilmagan. Kashmirning hind qismida hududning Hindistondan mustaqil bo‘lishi uchun kurashuvchi jangari guruhlar faol harakat olib boradi. Nyu-Deli rasmiylari teraktlar, otishmalar va notinchlikda Islomobodning aralashuvi borligini ta’kidlab keladi, Pokiston esa buni inkor etadi.
Izoh (0)