Jahon banki Boshqaruv kengashi va Xalqaro valyuta jamg‘armasining yillik yig‘ilishlari doirasida 19-oktabr, shanba kuni O‘zbekiston investitsiyalar va tashqi savdo vaziri hamda Xalqaro valyuta jamg‘armasining sobiq rahbari, Evropa Markaziy banki (YeMB)ning yangi saylangan raisi Kristin Lagard o‘rtasida uchrashuv bo‘lib o‘tdi.
Investitsiyalar va tashqi savdo vazirligi matbuot xizmati xabariga ko‘ra, uchrashuv davomida Kristin Lagardga YeMB rahbari lavozimiga saylangani munosabati bilan O‘zbekiston Prezidentining tabrigi va samimiy istaklari bitilgan rasmiy maktubi topshirildi.
Uchrashuvda ijtimoiy-iqtisodiy islohotlarning amalga oshirilishi holati, shuningdek, ular bilan bog‘liq dolzarb masalalar: zamonaviy tartibga solish mexanizmlarini joriy etish orqali iqtisodiyotni erkinlashtirish, to‘g‘ridan to‘g‘ri xorijiy investitsiyalar va xalqaro rivojlanish institutlari mablag‘larini yanada faol jalb qilish, kapital bozorini rivojlantirish, hududiy va tarmoq rivojlantirish dasturlari muhokama qilingan.
O‘zbekiston bilan hamkorlikning kelgusi istiqbollari haqida gapirganda, uchrashuvda salohiyatli hamkorlik va O‘zbekiston hukumatiga mamlakatni o‘zgartirish jarayonlarini jadallashtirish va islohotlarning takrorlanmasligini ta’minlashda amaliy yordam berish masalalari ko‘tarildi.
Izoh (0)