Ispaniya ichki ishlar vazirligi Kataloniyaga bu yerda bo‘lib turgan 2 ming nafar politsiyachiga yordam tariqasida milliy politsiya maxsus bo‘linmalarining 4 ta guruhini yubormoqda. Bu haqda “Korrespondent.net” xabar berdi.
“Ichki ishlar vazirligi bir necha kun ichida maxsus bo‘linmalarning 200 nafar xodimini mahalliy politsiyani kuchaytirish uchun yuboradi. Kataloniya ayirmachilari yetakchilariga chiqarilgan sud hukmidan so‘ng boshlangan tartibsizliklar yana davom etishi taxmin qilinmoqda”, — deyiladi El Pais nashri xabarida.
Politsiya birinchi galda davlat idoralari, g‘aznachilik, politsiya bo‘linmalari, shuningdek, aloqa va elektr ta’minoti obyektlarini qo‘riqlaydi.
Shuningdek, milliy politsiya El Prat aeroporti ichki inshootlari, AVE temir yo‘l kompaniyasi bekatlari, Asko hamda Vandellos atom elektr stansiyalari muhofazasini kuchaytiradi.
Izoh (0)