Xalq shoiri va senator Iqbol Mirzo Rishtonda Dima Qayumning bo‘lajak kutubxonasining birinchi g‘ishtini o‘z qo‘li bilan joyladi. Bu haqda Dilshod Boltaboyev ijtimoiy sahifalarida yozib qoldirdi.
Avvalroq, bloger va xalq kutubxonasi asoschisi Dilshod Boltaboyevning bozordagi kutubxonasi tumanda obodonlashtirish ishlari ketayotganligi sababli buzib tashlangandi.
Dilshod Boltaboyev tumanda yangi qurilayotgan bozor hududidan yer ajratishlarini so‘rab, tuman hokimligiga murojaat qilgan. Murojaat qanoatlantirilib, katta yo‘l bo‘yidagi gavjum joydan 56 kv.metrli maydon ajratildi. Dilshodning kutubxonasi yengil konstruksiyadan ishlanadi. Bu gal inshoot hokimlikning tegishli qarori bilan mustahkamlab qo‘yildi.
Izoh (0)