Qashqadaryo viloyati Chiroqchi tumani Ichki ishlar boshqarmasi tezkor vakillari “Qoradori—2019” tadbiri doirasida xonadonlarda profilaktik suhbatlar o‘tkazmoqda. Bu haqda Bosh prokuratura matbuot xizmati “Daryo”ga ma’lum qildi.
Tumandagi Zarbdor mahallasida yashovchi N.X. ismli fuqaroning xonadonida profilaktik suhbat o‘tkazilganida, tezkor guruh vakili ushbu xonadonda yollanma ishchi sifatida ishlayotgan M.A. bilan suhbatlashmoqchi bo‘lgan. Biroq M.A. xodimlarning talabiga bo‘ysunmasdan, ularni haqorat qilgan. Qo‘lidagi bolta va shoxa bilan ularga tashlanib, tezkor xodimlardan birining chap oyog‘ida shoxani ikki marotaba sanchib olgan va voqea joyidan yashiringan.
Mazkur holat yuzasidan 5-oktabr kuni tuman prokuraturasi M.A.ga nisbatan Jinoyat kodeksining 219-moddasi 1-qismi bilan jinoyat ishini qo‘zg‘atgan. Hozirda tergov harakatlari olib borilmoqda.
Izoh (0)