Parijdagi politsiya mahkamasiga hujum uyushtirgan huquqni muhofaza qilish idorasi xodimi islom dinini qabul qilganligi xabar qilindi. Bu haqda BFM TV ma’lumot bergan.
Xabarga ko‘ra, 45 yoshli qonun posboni bir yarim yil avval dinini o‘zgartirgan. Uning hamkasblariga nima uchun hujum qilgani hali ham noma’lumligicha qolmoqda. Atrofdagilar uning oxirgi vaqtlarda o‘zgarib qolmaganligi, boshqalarga xavf soladigan xulq-atvor egasi bo‘lmaganligini ta’kidlagan.
“Gazeta.ru” bergan xabarga ko‘ra, u kar-soqov bo‘lgani, mudhish voqeaga xodimlar o‘rtasida nizo chiqishi sabab ekani taxmin qilingan.
Eslatib o‘tamiz, 2003-yildan beri politsiyada ishlab kelgan shaxs mahalliy vaqt bilan soat 13:00 da idoradagi o‘z hamkasblariga keramik pichoq bilan hujum qilgan. Natijada uch erkak va bir ayol halok bo‘lgan. Qurbonlarning uch nafari politsiyachi, bir nafari administratsiya xizmatchisi . Hujum natijasida bir kishi jarohat olgan. Hujum uyushtirgan jinoyatchi voqea joyida otib tashlangan. Hodisa yuzasidan Parij prokuraturasi tergovni davom ettirmoqda, jinoyatchining rafiqasi qamoqqa olingani haqida ham xabarlar tarqalgan.
Mavzuga doir: Parij markazida to‘rt politsiyachi pichoqlab o‘ldirildi
Izoh (0)