Nyu-York hukumati milliy kelib chiqishi va immigratsiya maqomi bo‘yicha diskriminatsiyaga barham berish borasida yangi qoidalarni tasdiqladi, deb xabar bermoqda Meduza.
Ushbu chora jamoat joylari xodimlari, ish beruvchilar, shuningdek, uy-joyni ijaraga beruvchilarga nisbatan qo‘llaniladi.
Xususan, endi mehmonxona xodimlariga o‘z ona tilida gaplashishni taqiqlash, kvartira egalarining unda yashovchilar o‘rtasida mojaro kelib chiqqanda migratsiya xizmatiga shikoyat qilish bilan tahdid qilishi yoki biror bir vaziyatda “ingliz tilida gapirish yoki o‘z yurtiga ketish”ni talab qilish diskriminatsiya deb hisoblanadi.
Shuningdek, diskriminatsiya maqsadida foydalaniladigan bo‘lsa, “noqonuniy migrant” iborasini ishlatish ham taqiqlandi.
Qayd etilishicha, yangi reglamentni buzganlar 250 ming dollargacha jarimaga tortiladi.
Nyu-Yorkning qariyb 3,2 million aholisi AQShdan tashqarida tug‘ilgan. Ularning salkam yarmi Amerika fuqaroligiga ega emas.
Izoh (0)