Futbol bo‘yicha Angliya Premyer Ligasining 6-turida 21-sentabr, shanba kuni 4 ta uchrashuv bo‘lib o‘tdi.
Maurisio Pochettino qo‘l ostidagi Londonning “Tottenhem” klubi mehmonda “Lester”ga qarshi maydonga tushdi.
Uchrashuvning 29-daqiqasida “shporlar” hujumchisi Harri Keyn Son Hyon Min uzatmasini golga aylantirgan bo‘lsa, 69-daqiqaga kelib mezbon jamoa himoyachisi Rikardu Pereyra hisobni tenglashtirdi (1:1). 85-daqiqada esa “tulkilar” yarim himoyachisi Jeyms Meddison Paulo Gassaniga qo‘riqlayotgan darvozani ishg‘ol qildi.
Shu tariqa “Tottenhem” safarda kechgan bahsda “Lester”ga 1:2 hisobida imkoniyatni boy berdi va ochko yo‘qotdi.
Ma’lumot uchun, “Tottenhem” 8 ochko jamg‘argan holda musobaqa jadvalida 5-o‘rinda bormoqda. “Lester” esa 11 ochko bilan 3-o‘rinni egallab turibdi.
Shu kuni Xosep Gvardiola boshliq “Manchester Siti” o‘z maydonida “Uotford”ni sinovdan o‘tkazdi.
Bellashuv davomida “shaharliklar” vakillari David Silva (1), Serxio Aguero (7, penalti), Riyad Mahrez (12), Bernardu Silva (15, 48, 60), Nikolas Otamendi (18) hamda Kevin de Bryuyne (85) birin-ketin raqib darvozasiga gol urdi.
Bahs yakuniga ko‘ra, “mankunianlar” “Uotford” darvozasiga javobsiz 8 ta gol urib, yirik hisobdagi g‘alabani qo‘lga kiritdi.
Mazkur g‘alabadan so‘ng “Manchester Siti”ning ochkosi 13 taga yetdi va jamoa 2-o‘ringa ko‘tarilib oldi. So‘nggi o‘rinda borayotgan “Uotford” hisobida esa 2 ochko mavjud.
APL
6-tur bahslari
21-sentabr, shanba
“Lester”—“Tottenhem” 2:1
Gollar: 0:1 — 29 Keyn, 1:1 — 69 Rikardu Pereyra, 2:1 — 85 Meddison“Byornli”—“Norvich” 2:0
Gollar: 1:0 — 10 Vud, 2:0 — 14 Vud“Everton”—“Sheffild Yunayted” 0:2
Gollar: 0:1 — 40, avtogol Mina, 0:2 — 79 Musse“Manchester Siti”—“Uotford” 8:0
Gollar: 1:0 — 1 Silva, 2:0 — 7, penalti Aguero, 3:0 — 12 Mahrez, 4:0 — 15 Bernardu Silva, 5:0 — 18 Otamendi, 6:0 — 48 Bernardu Silva, 7:0 — 60 Bernardu Silva, 8:0 — 85 de BryuyneYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)