Qo‘qon shahrida 10—15-sentabr kunlari Xalqaro hunarmandchilik festivali o‘tkazilishi munosabati bilan ba’zi ko‘chalarda barcha turdagi transport vositalarining harakati cheklanadi. Farg‘ona viloyati IIB YHXB matbuot xizmatidan xabar berishlaricha, bu chora jamoat tartibini saqlash hamda yo‘llarda harakatlanish xavfsizligini ta’minlash maqsadida ko‘rilmoqda.
Xabar berishlaricha, festival kunlari:
- Turkiston ko‘chasining Po‘stindo‘z—Bog‘iston ko‘chalari kesishmasidan Hamza ko‘chasi kesishmasigacha bo‘lgan qismi;
- Sarboz ko‘chasining Guzar ko‘chasi kesishmasidan O‘rdatagi ko‘chasi kesishmasigacha bo‘lgan qismi;
- Zarrinsaroy ko‘chasining O‘rdatagi ko‘chasi kesishmasidan Parpashabof ko‘chasi kesishmasigacha bo‘lgan qismi;
- Charxiy ko‘chasining Parpashabof ko‘chasi kesishmasidan Po‘stindo‘z ko‘chasi kesishmasigacha bo‘lgan qismida
“Mazkur ko‘chalarda harakat cheklanishi munosabati bilan avtotransport vositalarining to‘xtash joylari tashkil etiladi”, — deya ma’lum qildi viloyat IIB YHXB matbuot xizmati.
Qo‘shimcha qilishlaricha, festival kunlari tirbandliklarning oldini olish maqsadida shahar hududi va tadbirlar o‘tkaziladigan joylarda yuk avtomobillari harakati vaqtinchalik taqiqlanadi.