Futbol bo‘yicha Angliya Premyer Ligasining 4-turida Yurgen Klopp boshqaruvidagi “Liverpul” klubi 31-avgust, shanba kuni mehmonda “Byornli”ni sinovdan o‘tkazdi.
Uchrashuvning 33-daqiqasida Kris Vud o‘z darvozasiga gol urib qo‘ydi. Oradan 4 daqiqa o‘tib “Liverpul” hujumchisi Sadio Mane hisobni 2:0 ko‘rinishiga olib kelgan bo‘lsa, “qizillar”ning uchinchi goliga braziliyalik hujumchi Roberto Firmino mualliflik qildi.
Shu tariqa “Liverpul” mehmonda kechgan bahsda “Byornli” darvozasiga javobsiz 3 ta gol urib, navbatdagi 3 ochkoga ega bo‘ldi.
Ta’kidlash joiz, Klopp shogirdlari 12 ochko jamg‘argan holda musobaqa jadvalida yetakchilikni o‘z qo‘liga oldi.
APL
4-tur bahsi
31-avgust, shanba
“Byornli”—“Liverpul” 0:3
Gollar: 0:1 — 33, avtogol Vud, 0:2 — 37 Mane, 0:3 — 80 Firmino“Byornli”: Poup, Mi, Piters, Louton, Tarkovski, Lennon, Kork, Vestvud, Maknil, Barns (Rodriges, 73), Vud
“Liverpul”: Adrian, van Deyk, Robertson, Aleksander-Arnold, Matip, Veynaldum, Henderson (Oksleyd-Chemberlen, 71), Fabinyo, Mane (Origi, 85), Firmino (Shaqiri, 85), Saloh
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)