Jizzax viloyatida 2019-yilning birinchi yarim yilligida yalpi hududiy mahsulot hajmi 5,8 trillion so‘mga yetgan va o‘tgan yilning shu davriga ko‘ra 5,5 foizga oshgan, deya xabar bermoqda Senat matbuot xizmati.
Keyingi yillarda viloyatga xorijiy investitsiyalarni jalb etish hamda ularni o‘zlashtirish ishlari sezilarli darajada jonlangan. Jumladan, 2018-yilda xorijiy investitsiyalar hisobidan 392 milliard so‘mdan ziyod mablag‘ o‘zlashtirilgan bo‘lib, ushbu ko‘rsatkich 2017-yilga nisbatan 57,5 foizga oshgan.
2018-yilda viloyat tashqi savdo aylanmasi 323,2 million dollarni tashkil etib, 2017-yilning shu davriga nisbatan 37,5 foizga oshgan. Eksport hajmi esa 71 million dollarga yetgan va o‘sish 61 foizni tashkil etgan. Shunga qaramay, viloyatda eksport hajmini oshirish bo‘yicha yechimini kutayotgan muammolar mavjud.
“Eksport bilan shug‘ullanuvchi korxonalarni tashqi bozor konyukturasidagi o‘zgarishlar, istiqbolli bozorlar, raqobatchilar to‘g‘risida olib borilgan tadqiqotlar natijalari bilan tanishtirib borish ishlari talab darajasida yo‘lga qo‘yilmagan”, — deyiladi Senat matbuot xizmati axborotida.
Izoh (0)