Жиззах вилоятида 2019 йилнинг биринчи ярим йиллигида ялпи ҳудудий маҳсулот ҳажми 5,8 триллион сўмга етган ва ўтган йилнинг шу даврига кўра 5,5 фоизга ошган, дея хабар бермоқда Сенат матбуот хизмати.
Кейинги йилларда вилоятга хорижий инвестицияларни жалб этиш ҳамда уларни ўзлаштириш ишлари сезиларли даражада жонланган. Жумладан, 2018 йилда хорижий инвестициялар ҳисобидан 392 миллиард сўмдан зиёд маблағ ўзлаштирилган бўлиб, ушбу кўрсаткич 2017 йилга нисбатан 57,5 фоизга ошган.
2018 йилда вилоят ташқи савдо айланмаси 323,2 миллион долларни ташкил этиб, 2017 йилнинг шу даврига нисбатан 37,5 фоизга ошган. Экспорт ҳажми эса 71 миллион долларга етган ва ўсиш 61 фоизни ташкил этган. Шунга қарамай, вилоятда экспорт ҳажмини ошириш бўйича ечимини кутаётган муаммолар мавжуд.
«Экспорт билан шуғулланувчи корхоналарни ташқи бозор конюктурасидаги ўзгаришлар, истиқболли бозорлар, рақобатчилар тўғрисида олиб борилган тадқиқотлар натижалари билан таништириб бориш ишлари талаб даражасида йўлга қўйилмаган», — дейилади Сенат матбуот хизмати ахборотида.
Изоҳ (0)