28-avgust kuni Xorazm viloyati ichki ishlar organlari xodimlari uchun bunyod etilgan yangi xonadonlarning kalitlari bayram arafasida topshirildi. Bu haqda viloyat IIB “Daryo”ga ma’lum qildi.
Urganch shahrining markazida o‘tgan yili qurilishi boshlangan jami 60 ta xonadondan iborat ikkita ko‘p qavatli uylarning qurilishi qisqa muddatlarda zamonaviy qurilish texnologiyalari asosida yakuniga yetkazildi.
O‘zbekiston Mustaqilligining 28 yilligi nishonlanayotgan shu kunlarda Xorazm viloyati ichki ishlar organlarining xodimlariga yangi uylarning kalitlari tantanali ravishda topshirildi. Tantanali marosimda Ichki ishlar vazirining o‘rinbosari polkovnik Rustam Xatamov, Xorazm viloyati hokimi Farhod Ermanov, viloyat IIB boshlig‘i general-mayor Davron Nazarmuhamedov va viloyatdagi huquq-tartibot idoralari rahbarlari ishtirok etdi.
Tantanali tadbirda so‘zga chiqqan mutasaddi rahbarlar yangi xonadon sohiblarini qutladi.
Mazkur uy-joylarni o‘z vaqtida va sifatli qurilishida jonbozlik ko‘rsatgan qurilish korxonalari ishchi xizmatchilariga Xorazm viloyati ichki ishlar boshqarmasining faxriy yorliq va qimmatbaho sovg‘alari topshirildi.
Izoh (0)