Toshkentda o‘zbek romanchiligi asoschisi Abdulla Qodiriy nomidagi ijod maktabi tashkil etildi. Bu haqda Xalq ta’limi vazirligi axborot xizmati ma’lum qildi.
Joriy yil 21—25-avgust kunlari ushbu ijod maktabida o‘qish istagida bo‘lgan o‘quvchilardan 2019—2020-o‘quv yili uchun hujjatlar qabul qilindi. Mazkur o‘quv yilida 5-8 sinflarga jami 120 nafar o‘quvchi qabul qilish rejalashtirilgan bo‘lib, 488 nafar o‘quvchidan hujjatlar kelib tushdi (bir o‘ringa o‘rtacha 4,1 nafar).
28-avgustdan Olmazor tumanidagi 224-sonli maktabda A.Qodiriy nomidagi maktabning ijodiy tanlovlari boshlandi. Ulardan muvofaqiyatli o‘tgan iqtidorli o‘quvchilar 30-avgust kuni test sinovlarida ishtirok etadi.
Ma’lumot uchun, ijod maktabi poytaxtning Olmazor tumanidagi Abdulla Qodiriy nomidagi madaniyat va istirohat bog‘i hududida barpo etilayotgan yangi o‘quv binosida joylashadi.
Izoh (0)