Toshkent fotosuratlar uyida Birinchi Prezident xotirasiga bag‘ishlangan “O‘zbekiston xalqaro e’tirof yo‘lida” nomli fotoko‘rgazma ochildi. Bu haqda Islom Karimov fondi xabar bermoqda.
Ko‘rgazma Birinchi Prezident xotirasi haftaligi doirasida tashkillandi.
Uning ekspozitsiyasida ko‘p yillar davomida Birinchi Prezident matbuot xizmatida ishlagan Farhod Qurbonboyev, shuningdek, Temur Qurbonboyevning fotosuratlari namoyish etilmoqda.
Ko‘rgazmada 100 dan ortiq tarixiy fotosurat taqdim etilgan. Ularda Islom Karimovning xorijiy davlatlar va xalqaro tashkilotlar rahbarlari, taniqli siyosiy va jamoat arboblari bilan uchrashuvlari, turli xalqaro tadbirlardagi ishtiroki aks etgan.
Izoh (0)