28 август куни Хоразм вилояти ички ишлар органлари ходимлари учун бунёд этилган янги хонадонларнинг калитлари байрам арафасида топширилди. Бу ҳақда вилоят ИИБ «Дарё»га маълум қилди.
Урганч шаҳрининг марказида ўтган йили қурилиши бошланган жами 60 та хонадондан иборат иккита кўп қаватли уйларнинг қурилиши қисқа муддатларда замонавий қурилиш технологиялари асосида якунига етказилди.
Ўзбекистон Мустақиллигининг 28 йиллиги нишонланаётган шу кунларда Хоразм вилояти ички ишлар органларининг ходимларига янги уйларнинг калитлари тантанали равишда топширилди. Тантанали маросимда Ички ишлар вазирининг ўринбосари полковник Рустам Хатамов, Хоразм вилояти ҳокими Фарҳод Эрманов, вилоят ИИБ бошлиғи генерал майор Даврон Назармуҳамедов ва вилоятдаги ҳуқуқ-тартибот идоралари раҳбарлари иштирок этди.
Тантанали тадбирда сўзга чиққан мутасадди раҳбарлар янги хонадон соҳибларини қутлади.
Мазкур уй-жойларни ўз вақтида ва сифатли қурилишида жонбозлик кўрсатган қурилиш корхоналари ишчи хизматчиларига Хоразм вилояти ички ишлар бошқармасининг фахрий ёрлиқ ва қимматбаҳо совғалари топширилди.
Изоҳ (0)