24—26-avgust kunlari futbol bo‘yicha Italiya chempionatining 2019/20-yilgi mavsum 1-tur o‘yinlari bo‘lib o‘tdi. “Daryo” kuchli beshlik chempionatlari qatorida A Seriyaning ilk turi tafsilotlarini bir sahifaga jamladi.
“Parma”—“Yuventus”
Turni amaldagi chempion “Yuventus” safarda “Parma”ga qarashi bahs bilan boshlab berdi. Uchrashuvdagi yagona gol (hisoblangan) 21-daqiqada Jorjio Kyellini tomonidan urildi. Qayd etish joiz, Krishtianu Ronaldu tomonidan urilgan gol VAR orqali hisobga olinmadi. Shu kuni Turin klubi safida yozgi transferlar vaqtida jamoaga kelib qo‘shilgan Adriyen Rabio debyut uchrashuvini o‘tkazdi. Bundan tashqari ijaradan qaytgan Gonsalo Iguain ham uzoq tanaffusdan so‘ng “Yuventus” tarkibida ilk rasmiy o‘yinda qatnashdi. “Ayaks”dan kosmik summaga xarid qilingan Matteys de Ligt esa zaxirada qoldirildi.
“Fiorentina”—“Napoli”
So‘zsiz turning eng qiziqarli uchrashuvi Florensiya shahrida bo‘lib o‘tdi. Unda mezbon “Fiorentina” yangi mavsum oldidan chempionlikk da’vo qilayotgan Karlo Anchelotti qo‘l ostidagi “Napoli”ni qabul qildi. O‘yinda hisobni mezbonlar yetakchisi Erik Pulgar 9-daqiqada penalti orqali ochishga erishdi. 38-daqiqada Dris Mertens o‘zining aniq zarbasi bilan muvozanatni tikladi. Oradan 4 daqiqa o‘tib, jamoasining birinchi goliga assistentlik qilgan Lorenso Insinyening o‘zi gol urishga erishdi. Qayd etish joiz, unga golli uzatmani Dris Mertens berdi. Ikkinchi bo‘lim avvalida Nikola Milenkovich Pulgarning uzatmasini golga aylantirib, hisobni tenglashtirdi. Oradan 5 daqiqa o‘tib, Insinyening navbatdagi uzatmasini bu safar Xose Kalyexon mezbonlar darvozasiga joylab qo‘ydi. 65-daqiqaga kelib, “Fiorentina”ning yangi a’zosi Kevin-Prins Boateng yana jamoasining o‘yindagi so‘nggi golini urdi. 2 daqiqadan keyin esa Kalyexon—Insinye kombinatsiyasi gol bilan yakunlandi. Shu tarzda Anchelotti shogirdlari safarda oson bo‘lmagan g‘alabani qo‘lga kiritdi.
“Udineze”—“Milan”
Yangi bosh murabbiy qo‘l ostiga o‘tgan “Milan” uchun mavsum omadsiz boshlandi. Marko Jampaolo shogirdlari ilk turda “Udineze” mehmoni bo‘ldi. O‘yindagi yagona gol 72-daqiqada udineliklar yangi a’zosi Rodrigo Bekao tomonidan kiritildi. Qayd etish joiz, Bekao Moskvaning SSKA klubidan “Udineze”ga o‘tgandi. U o‘zining debyut o‘yinidayoq g‘alabaga golini urdi. Shu kuni milanliklar safida Ismoil Bennaser hamda Rafael Leau o‘zining debyut o‘yinini o‘tkazdi.
“Roma”—“Jenoa”
Turning yana bir qiziqarli uchrashuvi Rimda kechdi. “Roma” ham yangi mavsumni yangi bosh murabbiy — Paulu Fonseka qo‘l ostida boshladi. Rimliklar ilk turda “Jenoa”ni qabul qildi. Uchrashuvda hisobni 6-daqiqada turkiyalik Jengiz Under qoyilmaqom harakatlari evaziga ochdi. 10 daqiqa o‘tib, mehmonlar vakili Pinamoti hisobni tenglashtirdi. 30-daqiqada esa Edin Jekoning aniq zarbasi “Roma”ni yana hisobda oldinga olib chiqdi. 49-daqiqada esa Aleksandr Kolarovning jarimadan yo‘llagan kuchli va aniq zarbasi golga aylandi. O‘yindagi so‘nggi golni esa “Jenoa” a’zosi Kuame kiritdi. Shu tariqa tomonlar jangovar durangga imzo chekdi.
“Inter”—“Lechche”
Turning so‘nggi bellashuvi esa Antonio Konte qo‘l ostiga o‘tgan “Inter” jamoasi ishtirokida bo‘ldi. “Neradzurrilar” o‘z maydonida “Lechche”ni qabul qilib, yirik hisobdagi g‘alabani qo‘lga kiritdi. Avvaliga 21-daqiqada xorvatiyalik Marselo Brozovich o‘zining kuchli va aniq zarbasi bilan hisobni ochdi. Oradan 3 daqiqa o‘tib, mavsum avvalida Kontening ilk xaridiga aylangan Stefano Sensi ham o‘z nomini tabloga yozdirib qo‘yishga erishdi. Ikkinchi bo‘limning 60-daqiqasida esa uzoq davom etgan transfer serialidan so‘ng “Inter”ga o‘tgan Romelu Lukaku debyut uchrashuvidayoq gol urishga erishdi. O‘yinga yakuniy nuqtani esa 84-daqiqada Antonio Kandreva o‘zining qoyilmaqom goli bilan qo‘yishga muvaffaq bo‘ldi. Shu tariqa “Inter” va Antonio Konte mavsumni yirik g‘alaba bilan boshladi.
Tur raqamlarda
- 10 ta o‘yinda jami 33 ta gol urildi
- 5 ta o‘yinda mehmonlar g‘alaba qozondi, 2 ta o‘yinda durang qayd etildi. 3 ta o‘yinda esa mezbonlar yutdi
- Mehmonlar 17 ta gol urdi, mezbonlar esa 13 ta.
- Eng yirik hisobdagi g‘alaba: “Inter”da 4:0.
- Eng ko‘p gol urilgan o‘yin: “Fiorentina”—“Napoli” 7 ta gol.
- Bitta ham gol ura olmagan o‘yinchilar: “Kalyari”, “Sampdoriya”, “Lechche”
- Bir yo‘la 4 futbolchi 1-turda dublga erishdi
A Seriya
1-tur bahslari
24-avgust, shanba
“Parma”—“Yuventus” 0:1
Gol: 0:1 — 21 Kyellini“Fiorentina”—“Napoli” 3:4
Gollar: 1:0 — 9, penalti, Pulgar, 1:1 — 38 Mertens, 1:2 — 42, penalti, Insinye, 2:2 — 51 Milenkovich, 2:3 — 56 Kalyexon, 3:3 — 65 Boateng, 3:4 — 67 Insinye25-avgust, yakshanba
“Udineze”—“Milan” 1:0
Gol: 1:0 — 72 Rodrigo Bekao“Kalyari”—“Breshia” 0:1
Gol: 0:1 — 54, penalti Donnarumma“Verona”—“Bolonya” 1:1
Gollar: 0:1 – 15, penalti Sansone, 1:1 – 36 Velozu“Roma”—“Jenoa” 3:3
Gollar: 1:0 — 6 Under, 1:1 — 16 Pinamonti, 2:1 — 30 Jeko, 2:2 — 43, penalti Krishito, 3:2 — 49 Kolarov, 3:3 — 70 Kuame“Sampdoriya”—“Latsio” 0:3
Gollar: 0:1 — 37 Immobile, 0:2 — 56 Korrea, 0:3 — 62 ImmobileSPAL—“Atalanta” 2:3
Gollar: 1:0 — 6 Di Franchesko, 2:0 — 26 Petanya, 2:1 — 34 Gosens, 2:2 — 70 Muriel,2:3 — 76 Muriel“Torino”—“Sassuolo” 2:1
Gollar: 1:0 — 14 Zaza, 2:0 — 55 Zaza, 2:1 — 69 Kaputo26-avgust, dushanba
“Inter”—“Lechche” 4:0
Gollar: 1:0 — 21 Brozovich, 2:0 — 24 Sensi, 3:0 — 60 Lukaku, 4:0 — 84 Kandreva
To‘purarlar ro‘yxati
- Luis Muriel (“Atalanta”) — 2 ta gol
- Simone Zaza (“Torino”) — 2 ta gol
- Chiro Immobile (“Latsio”) — 2 ta gol
- Lorenso Insinye (“Napoli”) — 2 ta gol
Izoh (0)