“Kyoln” — “Borussiya D”
Juma oqshomini bezagan uchrashuv Kyoln shahrida bo‘lib o‘tdi. Unda dortmundliklar irodali g‘alabani qo‘lga kiritdi. Dastlab maydon egalari Dominik Drekslerning golidan keyin oldinga o‘tib oldi. “Borussiya” 70-daqiqaga kelibgina hisobni tenglashtirishga muvaffaq bo‘ldi. Jeydon Sanchoning ajoyib zarbasidan keyin muvozanat tiklandi.
Asosiy vaqt yakunlanishi arafasida Ashraf Hakimi “arilar”ni oldinga olib chiqdi, hakam tomonidan qo‘shib berilgan vaqtda Pako Alkaser yakuniy hisobni o‘rnatdi. Shu tariqa, Lyusien Favr shogirdlari iroda ko‘rsatgan holda uch ochkoga ega chiqdi va turnir jadvalida peshqadamlikni o‘z qo‘liga oldi.“Shalke-04” — “Bavariya”
Bundesligada mavsumni omadsiz boshlagan myunxenliklar bu turda “Shalke-04” maydonida mehmon bo‘ldi. Gelzenkirxenda bo‘lib o‘tgan bahs Robert Levandovskining benefisiga aylandi. Polshalik hujumchi het-trik qayd etgan holda jamoasiga uch ochko taqdim etdi.
Mazkur o‘yinda Lyuka Ernandes, Ivan Perishich va Filippe Koutinyo “Bavariya” safidagi debyutlarini nishonladi. Fransiyalik himoyachi asosiy tarkibda maydonga tushgan bo‘lsa, Perishich va Koutinyo zaxiradan o‘yinga qo‘shildi.“Leypsig” — “Ayntraxt”
Boshqa natijalar
Birinchi turda uch ochkodan qo‘lga kiritgan “Fortuna” va “Bayer” jamoalari Dyusseldorfda o‘zaro masalaga oydinlik kiritdi. Tanaffuga qadar leverkuzenliklar uchta gol urgan holda masalani hal qilib qo‘ydi va mezbonlarning ikkinchi bo‘limdagi yagona javob to‘pi hech narsani o‘zgartira olmadi.
O‘tgan hafta amaldagi chempiondan ochko tortib olgan “Herta” Berlinda “Volfsburg”ga yirik hisobda yutqazib qo‘ydi. “Xoffenxaym” esa so‘nggi daqiqalarda urilgan gol evaziga “Verder”ni taslim etdi.
Tur raqamlari
Bu turda oltita o‘yinda mehmonlar g‘alabani qo‘lga kiritgan bo‘lsa, ikkita o‘yinda maydon egalari zafar quchgan. Yana bir bahsda durang bo‘lgan. Eng ko‘p gol (5 ta) “Hoffenhaym” — “Verder” uchrashuvida kiritildi. Ikki o‘yinda yirik hisob qayd etilgan bo‘lsa, to‘rtta o‘yin 1:3 hisobi bilan tugagan.2-turda jami 32 ta gol urildi. O‘tgan ikki turda faqatgina “Shalke-04” gollari sonini ochmadi.
Beshta jamoa (“Borussiya D”, “Frayburg”, “Leypsig”, “Volfsburg”, “Bayer”) 100 foizlik natija qayd etayotgan bo‘lsa, to‘rtta klub (“Mayns”, “Kyoln”, “Paderborn”, “Verder”) hali ochko qo‘lga kiritmadi.Turnir jadvali
To‘purarlar ro‘yxati
Bundesliga
2-tur bahslari
23-avgust, juma
“Kyoln” – “Borussiya D” 1:3
Gollar: 1:0 — 29 Dreksler, 1:1 — 70 Sancho, 1:2 — 86 Hakimi, 1:3 — 90+4 Pako Alkaser.24-avgust, shanba
“Hoffenhaym”—“Verder” 3:2
Gollar: 0:1 — 42 Fyullkrug, 1:1 — 54 Bichakchich, 2:1 — 59 Bebu, 2:2 — 81 Osako, 3:2 — 87 Kaderjabek“Fortuna D”—“Bayer” 1:3
Gollar: 0:1 — 6, avtogol, Beyker, 0:2 — 33 Arangis, 0:3 — 39 Belarabi, 1:3 — 82 Morales“Mayns”—“Borussiya M” 1:3
Gollar: 1:0 — 18 Kvayson, 1:1 — 31 Layner, 1:2 — 77 Plea, 1:3 — 79 Embolo“Augsburg”—“Union Berlin” 1:1
Gollar: 1:0 — 59 Vargas, 1:1 — 80 Andersson“Paderborn”—“Frayburg” 1:3
Gollar: 1:0 — 3 Mamba, 1:1 — 21, penalti, Valdshmidtm 1:2 — 40 Petersen, 1:3 — 90 Kvon Chxan Xun“Shalke-04”—“Bavariya” 0:3
Gollar: 0:1 — 20, penalti, Levandovski, 0:2 — 50 Levandoski, 0:3 — 75 Levandovski25-avgust, yakshanba
RB Leypsig – Ayntraxt F 2:1
Gollar: 1:0 — 10 Verner, 2:0 — 80 Poulsen, 2:1 — 89 Gonsalu Pasyensiya.Herta – Volfsburg 0:3
Gollar: 0:1 — 9, penalti Vegorst, 0:2 — 82 Brekalo, 0:3 — 90 Russiyon.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)