Ukrainaning Korrupsiyaga qarshi milliy byurosi (KQMB) bila turib aybsiz shaxsni javobgarlikka tortishi yuzasidan Xavfsizlik xizmati rahbari Vasiliy Gritsakka jinoiy ish qo‘zg‘atdi. Bu haqda “RIA Novosti” xabar bermoqda.
Xabarda aytilishicha, Kiyevning Solomenskiy tuman sudi qaroriga ko‘ra Gritsakka nisbatan “ayblov dalillarini sun’iy ravishda yaratish” va boshqa soxtalashtirishlar bo‘yicha sudgacha tergov harakatlari boshlangan.
Ukraina Xavfsizlik xizmati rahbari o‘z lavozimini suiiste’mol qilish, pora olish va mansab soxtakorligida gumonlanmoqda.
Bu ishga Gritsakdan tashqari uning sobiq birinchi o‘rinbosari, Volin tumani prokuraturasi xodimlari, Bosh tergov boshqarmasi boshlig‘i va boshqa mansabdor shaxslar ham aloqador.
Ayni paytda 5 yildan 10 yilgacha ozodlik mahrum etish jazosi ko‘zda tutilgan Ukraina Jinoyat kodeksining 372-moddasi 2-qismi bilan tergov harakatlari olib borilmoqda.
Iyun oyida Oliy Rada prezident Vladimir Zelenskiyning Gritsakni iste’foga chiqarish talabini bajarishdan bosh tortgan edi.
Izoh (0)