Joriy yil 8-avgust kuni soat 15:00 atrofida Samarqand shahridagi Mirzo Ulug‘bek ko‘chasida joylashgan savdo do‘koni oldida fuqaro A.S. tanishlari M.Z va uning opasi bilan rashk oqibatida janjallashib qoladi. Bu haqda viloyat IIB huzuridagi Tergov boshqarmasi xabar bermoqda.
Janjal vaqtida A.S. o‘zining yonida bo‘lgan pichoq bilan opa-singillarning yuz va boshqa sohalarini bir necha marotaba kesib, ularga o‘rtacha og‘irlikdagi tan jarohatlari yetkazgan.
Samarqand shahri bo‘yicha IIO FMB huzuridagi TB tomonidan shu kuni A.S.ga nisbatan jinoyat ishi qo‘zg‘atilgan. U 9-avgust kuni JPKning 227-moddasi tartibida ushlangan.
Izoh (0)