Urganchdagi “Oxun bobo” jome’ masjidida maxsus-taktik o‘quv mashqi o‘tkazildi. Bu haqda “Daryo”ga Xorazm viloyati FVB shtabi ma’lum qildi.
O‘quv mashqi davomida masjidlarda yuzaga kelishi mumkin bo‘lgan favqulodda vaziyatlarning oldini olish va ular sodir bo‘lganda avariya-qutqaruv ishlarini amalga oshirish bo‘yicha tuzilgan tadbirlar samaradorligi tekshirildi.
Milliy gvardiya, DXX, IIB, FVB, YOXB, SSB, elektr, gaz, suv ta’minoti hamda boshqa tegishli FVDT xizmatlari bilan favqulodda vaziyatlarning oldini olish, sodir bo‘lganda oqibatlarini zudlik bilan bartaraf etish bo‘yicha o‘zaro hamkorlikdagi rejalarga aniqlik kiritildi.
O‘quv mashqiga jami 128 nafar xodim va 17 ta texnika jalb etildi. Ular oldidan qo‘yilgan asosiy maqsad bajarilgani, zarur amaliy ko‘nikmalarga ega bo‘lingani bildirilmoqda.
Izoh (0)