Rossiyaning Omsk shahrida o‘tkazilgan “REMBAT” – “Eng ilg‘or ta’mirlash va evakuatsiya bataloni” musobaqasi o‘z yakuniga yetdi. O‘zbekiston terma jamoasi yakka tartibdagi poyga, harbiy texnika estafetasi, otish tayyorgarligi, jamoa sardorlari bellashuvi shartlarini ko‘ngildagidek bajarib, yakunda umumjamoa hisobida faxrli 2-o‘rinni qo‘lga kiritdi. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga ma’lum qildi.
Musobaqa 4-avgust kuni start olgan edi. O‘zbekiston harbiy mutaxassislari ushbu musobaqada birinchi marotaba ishtirok etishiga qaramay, beshta bosqichdan iborat bo‘lgan bahslarning 4 tasida 2-, bittasida esa birinchi o‘rinni qo‘lga kiritdi. Umumiy hisobda esa Rossiya birinchi bo‘ldi. Uchinchi o‘rin Laos jamoasiga nasib etdi. Dunyoning kuchli 8 jamoasi ishtirok etgan mazkur musobaqada O‘zbekiston jami 6022 ball yig‘di.
“O‘zbekistonlik harbiylarning ushbu yutug‘i Xalqaro armiya o‘yinlarida ishtirok etayotgan boshqa jamoalarga ham kuch-g‘ayrat va shijoat baxsh etishi tabiiy”, — deyiladi xabarda.
Izoh (0)