Frankfurt-Mayn markaziy temiryo‘l vokzalida Eritreyadan kelgan muhojir yuqori tezlikda harakatlanayotgan poyezd ostiga sakkiz yoshli bolakay va uning onasini itarib yuborib, voqea joyidan yashirinishga urindi, deb xabar berdi Tengrinews.
40 yoshli ayol relslar orasiga yiqilib tushgani sabab omon qolgan. Biroq bolakayda hech qanday imkoniyat bo‘lmagan, u voqea joyida halok bo‘lgan.
Kuzatuv kameralariga muhrlangan videoga ko‘ra, jinoyatchi sodir bo‘lgan voqeadan so‘ng qochishga uringan. Avvaliga u platforma bo‘ylab, undan keyin esa relslar ustidan sakrab yugurgan. Bir nechta guvohlar uning ortidan yugurib, qo‘shni ko‘chada yetib olgan va politsiya yordamida jinoyatchini qo‘lga olishgan. Dastlabki ma’lumotlarga ko‘ra, qurbon va jinoyatchi bir-birini tanimaydi.
Mazkur voqeadan so‘ng, politsiya stansiyani bir necha soatga yopib qo‘ygan. Yo‘lovchilar evakuatsiya qilingan.
Izoh (0)