Seulda joylashgan Inchxon xalqaro aeroportida Janubiy Koreya hududiga noqonuniy kirishga uringan 26 yoshli O‘zbekiston fuqarosi, 34 yoshli rossiyalik va 25 yoshli Qozog‘iston fuqarosi qo‘lga olindi, deb xabar beradi “NUZ.uz”.
Uch nafar erkak mamlakatga turist sifatida kelgan. Biroq koreyalik amaldorlar ular aslida noqonuniy ravishda ishga joylashish niyatida ekanligini sezib qolib, ularni o‘z vataniga qaytarib yuborish bo‘yicha qaror qabul qilgan.
Muhojirlar deport qilinadigan fuqarolar saqlanadigan maxsus xonaga joylashtirilgan bo‘lib, ular aynan shu yerda qochish rejasini tuzgan. Erkaklar aeroport hududidan yashirinib, Janubiy Koreyaga kirishga uringan.
Hojatxonaga kirgan muhojirlar u yerning shifti orqali ventilyatsiya shaxtasidan o‘tib, binoning boshqa qanotiga emaklab borishga muvaffaq bo‘lgan. Biroq qo‘riqlash xizmati tomonidan berilgan “trevoga”dan so‘ng, ular aeroport xavfsizlik xizmati tomonidan qo‘lga olingan.
Izoh (0)