24-iyul kuni soat taxminan 14:00 da Chorvoq suv omborida ikki yigit qayiqdan suvga yiqilib, cho‘kib ketgan edi.
Repost’ning Bosh prokuraturaga asoslanib yozishicha, yigitlarning jasadi hali topilmagan.
Qayd etilishicha, ikki oila Chorvoq suv omboriga dam olishga borgan. 1995—1996-yilda tug‘ilgan ikki yigit baliqchilar qayig‘ida suv omborining narigi sohiliga suzib o‘tgan. Ular ortga qaytayotganida ehtiyotsizlik sabab qayiq ag‘darilib ketgan va yigitlar suvga cho‘kib ketgan.
“Hozirgacha cho‘kib ketgan yigitlarning jasadi topilmagan”, — deyiladi xabarda.
Hozirda ushbu holat yuzasidan tuman prokuraturasi tomonidan tergov harakatlari olib borilmoqda.
Izoh (0)